Pecel Lele Masakan Nan Dicari Katiko Gajian Tibo

Pecel lele, dunsanak ambo mungkin lah pado tau lah dengan jenis masakan nan ciek ko, pecel lele makanan anak rantau yang paliang digemari, samo tau lah dunsanak dagiang ikan lele kaya akan protein dan karbohidrat, yang dibutuahkan oleh tubuah, biasonyo dirantau dunsanak dunsanak kito yang pado gajian pasti minggu minggu pertamo labiah banyak mambali makanan dilua, salah satunyo pecel lele ko, yang mambuek pecel lele ko manjadi makanan nan lamak terletak pado sambaladonyo, biaso e sambalado pecel lele ko tabuek dari sambalado terasi, ciek lai ikan lele yang mempunyoi dagiang yang lembut apobilo digoreang kariang, yo sabana batambuah makan diinyo sanak.

Bagi dunsanak ambo yang alun pernah mancubo masakan pecel lele ko, ijan cameh, silahkan dunsanak browsing di google dan cari blog kesayangan kito iko Kuliner Rantau ambiak resep pecel lele ko dan pahami caro mambuek nyo, ancak dibuek shugang pado dibali , hehehe

Proses : 20 menit
Lamo mambuek : 45 menit
Porsi : 4 urang

Bahan bahan 

• 4 ekor ikan lele
• 2 bh limau kapeh 
• 1 sdm garam 
• 1 sdt penyedap ( micin )
• 200 ml minyak sayua

Bumbu bumbu 

• 8 siung bawang putiah
• 1 sdm katumba
• 1 bh induak kuyit sagadang ampu

Bahan sambalado pecel lele

• 15 bh lado merah
• 8 bh lado kutu
• 2 bh tomat
• 5 bh bawang merah
• 1 sdt gulo
• 20 gr tarasi
• 2 bh limau samba

Bahan bahan tambahan 

• 1 bh mentimun
• 25 gr lobak
• 100 gr daun kemangi
• 2 bh tahu
• 1 tempe

Caro mambuek pecel lele

1. Langkah partamo,  barasiah kan ikan lele buang isi paruiknyo, ambiak tampek, angiah garam, penyedap rasa, aie perasan limau kapeh, kamudian diaduak aduak ikan lele tadi didalam tampek / wadah tadi, buliah manyatu aie perasan asam, garam jo micin tadi, diamkan agak sabanta
2. Langkah salanjuiknyo, haluskan bumbu bumbu diateh pakai blender, kamudian masuakan bumbu bumbu yang alah bahaluihan ko katampek ikan lele yang alah ba angiah garam tadi aduak aduak buliah nak tacampua rato, kamudian diungkap labiah kurang 15 - 20 menit
3. Sasudah itu angekan minyak, goreang sampai matang ikan lele tadi kamudian tiriskan, lalu tahu jo tempe juo digoreang sampai matang
4. Masuak kito untuak mambuek sambalado ikan lele
5. Abuih sadonyo bahan bahan untuak mambuek sambalado, tomat, lado, kamudian di giliang atau dibelender untuak mambuek sambalado manjadi haluih, giah garam, terasi,  koreksi raso
6. Langkah terakhir, siapkan piriang saji, susun rancak rancak ikan lele, daun kemangi, tahu jo tempe, lobak dan sapiriang ketek sambalado terasi
7. Pecel lele siap bahidangkan.

Macam tu lah car mambuek pecal lele sanak, makanan rantau yang patuik untuak dunsanak cubo, pecal lele ko sangaik lalu kalau dirantau kalau lah tanggal tanggal mudo, mandapek ughang nan punyo resto pecal lele ko sanak, baa dunsanak tertarik untuak mancubo membuka usaho kuliner pecal lele ko dikampuang ??

Resep Ikan Lele Bakar

Eitts.. tunggu dulu sanak, ijan capek na pai, iko ciek resep makanan rantau nan lamak dan banyak dicari dek ughang rantau yang patuik untuak dunsanak cubo, ikan lele ko dimasak apo je lamak, po lai dibakar, iko lah salah satu nya ikan bakar lele

Proses : 30 menit
Lamo memasak : 60 menit
Porsi : 4 urang

Bahan bahan 

• 4 ekor lele segar
• 1 sdm garam
• 1 sdt bubuak marica
• 2 bh limau kapeh
•  1 kantong arang

Bumbu bumbu

• 8 siung bawang merah
• 5 siung bawang putiah
• 10 bh lado merah
• 1 bh kunyit sagadang ampu jari
• 2 bh kemiri
• 2 sdm kecap manih ( bagi nan suko )

Caro membuek lele bakar

1. Langkah partamo, barasiahkan ikan lele buang isi paruiknyo kamudian angiah asam, garam, dan bumbu penyedap tiriskan
2. Selanjuiknyo giliang haluih bumbu diateh, kamudian lumuri kabadan ikan lele sapanuah nyo
3. Langkah terakhir, siapkan pembakaran susun ikan lele , baka lele sampai matang, dan sekali sekali bolak baliak, angiah bumbu bumbu yang masih tingga oleskan kabadan ikan lele tadi, bakar sampai masak
4. Ikan lele bakar siap dihidangkan.

Ok sanak ambo, baitu caro mambuek resep ikan bakar lele, mudah mudahan tulisan iko bisa menjadi inspirasi bagi dunsanak yang nio mancubo mambuek  bakar lele ko, dan jiko tulisan iko bermanfaat mohon dishare atau dibagikan kapado kawan kawan atau dusanak dunsanak kito yang membutuhkan,,, berbagi itu indah, salamaik mancubo.,. dan tunggu artikel artikel menarik kami berikutnyo... salam ..