Milo Bubble Drink Minuman Dingin Parintang Hati Nan Rusuah

Milo bubble drink,  ko nyo sanak a,  minuman rantau sangaik banyak peminat e, mulai dhagi nan ngenek sampai nan gaek suko jo minuman nan ciek ko, kok namo minuman ko yo babayo sanak, ka bule bule an ghaso ghaso tingga di eropa lo awak ghaso e, milo bubble drink segeh kan namo e, yang namo e minuman kalau alah pakai milo ndak adoh gai nan indak kalamak, contoh e minuman milo ciek ko, dirantau kini banyak ughang nan manjua e sanak, kok dibali di mall yo agak tinggi harago nyo sangeneang, tapi kalau dibali disekitar perumahan paliang kisaran 10 ribuan sanak, kalau dikomplek tampek ambo tingga milo bubble drink lai lah masih 8 ribuan nyo, kalau minuman iko nan ka sanak galeh dikampuang mimin raso masuak mah, dek karano dikampuang mungkin jarang ughang mambuek minuman millo bubble drink ko.

Kok untuk toping jo bahan e sanak ijan ragu, kini ko jaman lah canggih, sanak takan takan je keypad hp tu tibo isuak e orderan sanak dighumah mah, kini ko zaman online, jadi kalau untuak mambali apo apo sajo tingga bali online je sanak, ndak adoh nan sulik zaman kini do, yang pantiang dima adoh kemauan disinan adoh jalan, awak ughang minang ko tampang ubi sanak, dima tacampak disinan tumbuah. jadi manuruik mimin milo bubble drink ko suatu peluang dikampuang ghancak mah..

Kok chago mambuek minuman milo bubble drink ko sanak caliak je di blog Kuliner Rantau ko, ambiak resep e, pelajari caro mambuek e balambek lambek, pahami baru sanak action.

Proses : 25 menit
Lamo mambuek : 40 menit
Porsi : 4 ughang

Bahan bahan 

• 4 sachet milo kemasan
• 200 gr batu es
• 50 gr susu cokelat
• 50 gr gula halus
• 400 ml air 
• 200 gr bubble

Cara membuat milo bubble drink

1. Langkah partamo, siapkan blender, masuakan milo, air, gulo halus, jo batu es , blender bahan bahan ko hinggo manyatu dan batu es manjadi halus
2. Kamudian siapkan 4 buah gelas saji, tuangkan milo yang alah bablender tadi dalam ssatiok galeh, 
3. Selanjutnyo angiah bubble yang alah babali jadi , lalu tambahkan susu cokelat untuak palamak raso
4. Milo bubble siap disajikan.
   

Baitu chago mambuek e sanak, untuk bahan bahan nyo dunsanak bisa order di online, banyak itu lapak lapak gadang yang alah bisa dipicayo, contoh e Tokopedia, Bukalapak dan masih banyak toko online yang lain.

Resep Teh Bubble Drink

Mimin agiah sanak resep ciek lai, karano minuman nan ciek ko juo sangaik laris dirantau dan masih berhubungan juo dengan bubble atau boba, satiok minuman yang diracik ba angiah bubble sebagai toping nyo, buliah dikatokan pasti banyak ughang nan mambali, kalau dirantau ko sanak kebanyakan anak anak mudo nan banyak mangaleh minuman iko, umum e banyak dari anak anak kuliah, mungkin untuak mancari balanjo sampiangan, kalau disiko namo e Milk shake, itu berbagai macam minuman yang diracik pakai bubble, susu, milo dan lain lain nyo, kebanyakan toping ughang ko adoh seperti bubuk nyo gtu jadi tingga meracik sajo lai.

Proses : 15 menit
Lamo mambuek :40 menit
Porsi : 4 ughang

Bahan bahan 

• 100 gr teh bubuk ( induak teh ) kalau ndak adoh buliah teh celup
• 50 gr gulo pasia
• 200 gr batu es serut
• 50 gr susu kental creamer
• 400 gr air 
• 150 gr bubble siap jadi ( beli yang sudah jadi )

Caro mambuek the bubble drink

1. Langkah partamo, angek an aie sampai mandidiah, kamudian siapkan teko / ceret masuakan induak teh angiah aie angek aduak aduak sampai induak teh pacah dan pakek 
2. Kamudian siapkan  4 buah galeh saji, masuakan susu kental kadalam tiok tiok galeh, lalu masuakan air induak teh kadalam galeh kiro kiro satangah galeh, ijan lupo disariang teh e bia ampas teh indak ikut masuak kadalam galeh aduak aduak hinggo susu jo teh bacampua, angiah gulo sangenut untuak manguekan manih susu nyo aduak aduak baliak sampai manyatu 
3. Sasudah itu bubble yang alah babali tadi masuak juo kadalam galeh yang barisi teh yang bacampua susu kental jo gulo aduak aduak baliak
4. Langkah terakhir masuakan es batu kok dapek yo di serut tapi kalau ndak bisa diserut pacah pacahan je es batu tu jadi ketek kamudian masuakan sampai sapanuah galeh kamudian biarkan dingin
5. Teh bubble drink siap dinonoh..

Ba'a elok e mimin tu sanak, 2 resep minuman populer dirantau yang ba agiahkan ka dunsanak ambo yang tercinta ko, silahkan bagi dunsanak ambo nan nio mancubo mambuek minuman nan laris dirantau ko, Jiko artikel atau tulisan diblog iko bermanfaat, mohon dunsanak bagikan ka kawan kawan kito atau ka dunsanak dunsanak kito nan lain, ma tauan adoh niek pulo pulo dunsanak kito tu nan mancubo mambuek,, Salamaik mancubo.