Es Jeruk Peras, Salah Satu Minuman Rantau Yang Lagi Viral

Ko adoh ciek lai dunsanak minuman dingin nan sabana mhugah sangaik caro mambuek nyo, yaitu es jeruk peras, minuman ko banyak ughang nan manjua e kini sanak, es jeruk ko sabana laku dirantau, baru baru ko je nyo sanak es jeruk peras ko muncul antah dari ma asal e mimin juo ndak tau, tibo tibo je alah adoh  ughang nan mangaleh e 7 ribu lo sagaleh, es jeruk peras ko bisa jadi mato pancarian ma sanak jikok hiduik dikampuang, karano saking banyak nyo animo masyarakat nampak dek mimin mambali es jeruk peras ko, macam adoh kawan shugang mangaleh es jeruk ko dakek garegeh ten, bukak e ndak lamo lamo do sanak, bukak e sore kiro jam 5 an, jam 10 malam lah habieh galeh kawan tu

Jadi manuruik kacomato mimin iko marupokan suatu peluang untuak dunsanak dunsanak nan dikampuang, cubo lo jual es jeruk ko ma tauan laku lo galeh ko dikampuang, kalau untuak masalah resep e ijan cameh Kuliner Rantau kan selalu siap membagikan resep dan tips caro mambuek es jeruk ko..

Proses : 10 menit
Lamo mambuek : 25 menit
Porsi : untuak 4 ughang

Bahan bahan 

• 4 buah limau manih lokal ( jeruk sunkist ) disarankan
• 20 gr gulo pasia
• 500 ml air
• 250 gr es batu

Caro mambuek es jeruk peras

1. Langkah partamo, siapkan galeh saji 4 buah, kamudian balah balah duo limau manih yang alah basadioan tadi
2. Kamudian ambiak alat untuak memeras limau manih, peras limau manih yang alah babalah tadi, masuak kadalam, buek 2 buah limau manih utnuak ciek galeh 
3. Selanjutnyo setelah limau manih alah diperas dan dimasuakan kadalam galeh angiah gulo pasia agak 2 sdm kadalam masiang masiang galeh, lalu masuakan aia angek kiro kiro satangah galeh,  aduak aduak sampai menyatu bahan bahan sadonyo bahan bahan tadi
4. Langkah terakhir, pacah batu es, masuakan batu es kadalam 4 buah galeh yang alah barisi aie limau manih tadi kamudian aduak aduak dan biarkan dingin hinggo menyatu dengan sempurna sadonyo 
5. Es jeruk perass siap disajikan.

Mhugah je nyeh sanak, baitulah caro mambuek nyo, silahkan jiko dunsanak nio mancubo mambuek,, ijan lupo jiko artikel ko bermanfaat angiah tau kakawan kawan nan lain, salamaik mancubo sanak ambo.