5 Resep Masakan Ayam Nan Paliang Laris Di Rantau

Salamaik siang dunsanak ambo sadonyo, mohon maaf dek karano kesibukan agak talaik mamposting, ok kali kini kito akan mambuek resep special nan berasal dari dagiang ayam broiler atau ayam pedaging, Masakan ayam ko banyak sangaik jenis nyo sanak, mulai dari masakan ayam bumbu, masakan ayam rica rica, masakan ayam bakar, masakan ayam gulai, masakan ayam goreang dan lain lain, yang namonyo masakan nan berbahan baku dagiang ayam pasti banyak peminatnyo, mulai dari nan mudo mudo sampai ka nan tuo tuo
Baiak lah, kali kini Kuliner Rantau akan mempersembahkan kapado dunsanak sadonyo 5 resep masakan yang tabuek dari pado dagiang ayam, bagi dunsanak nan nio mancubo mambuek masakan ayam ko silahkan disimak dan dipelajari setp by step nyo..

Resep Ayam Bumbu 

Ayam bumbu, pastilah dunsanak sadonyo tau jo kuliner ayam bumbu ko, iko lah masakan ayam nan paliang lamak nan tabuek dari bumbu bumbu rempah asli indonesia, ayam bumbu ko disatiok rumah makan, maupun direstoran restoran gadang pasti adoh manyadiokan menu ayam bumbu ko, buliah dikatokan ayam bumbu lah iko dari pado masakan ayam ayam nan lain,

Proses ; 35 menit
Lamo mamasak : 60 menit
Porsi : 4 urang

Bahan bahan 

• 1 ekor ayam potoang 4
• 300 gr parutan kelapa
• 250 ml santan segar
• 1 sdm asam jao

Bumbu bumbu

• 8 siung bawang merah
• 5 siung bawang putiah
• 1 sdt katumba
• 3 bh kemiri
• 1 sdm asam jao
• 1 sdm garam
• 3 bh kunyik sagadang ampu
• 1 bh jahe
• 1 sdm bubuak marica

Caro mamasak ayam bumbu kelapa

1. Langkah partamo, barasiahkan ayam yang alah dipotong 4 tadi, ambiak tampek / mangkuak ukuran sedang
2. Kamudian digiliang / diblender bumbu bumbu diateh sampai haluih lalu masuakan bumbu bumbu haluih tadi katampek mangkuak yang barisi dagiang ayam aduak aduak sampai bumbu meresap kadalam dagiang
3. Langkah salanjuiknyo, angekan kuali, masuakan ayam yang alah ba angiah bumbu bumbu tadi lau dimasak saparo matang, sudah tu tambahkan parutan karambia aduak aduak baliak hinggo marato lanjuikan mamasak, sudah ntu masuakan aie asam jao, aduak aduak baliak, padian sampai kuah / aie didalam kuali kariang
4. Langkah terakhir, angekan minyak dikuali, kamudian ayam yang sudah diangiah bumbu jo parutan karambia tadi goreang didalam kuali sampai ayam jo parutan karambia matang, buek mode itu sampai ayam jo parutan karambia habis
5. Ayam goreang bumbu kelapa siap disajikan

Baitulh caro mambuek ayam goreng bumbu sanak, cocok lah dimasak untuak anak anak kito dirumah, bisa dibuek untuk bekal pai sekolah anak, suami pai karajo dan lain lain.

Resep Ayam Gulai 

Ayam gulai, ko juo masakan rantau nan paliang banyak dicari, dan caro mambuek nyo sangaik mudah sanak yang penting fokus kito katiko mamasak, buliah nak dapek hasil masakan tadi sempurna, untuak dunsank nan nio mancuoba mambuek gulai ayam silahkan ambiak resep nyo dan pahami langkah langkah caro mamasaknyo

Proses : 30 menit
Lamo mamasak : 65 menit
Porsi : 4 urang

 Bahan bahan 

• 1 ekor ayam pedagiang potoang 4
• 4 alai daun limau
• 4 alai salam
• 2 bh asam kandih
• 1 alai dun kunyik
• 2 bh sarai memarkan
• 1 bh langkueh sadang ampu memarkan
• 400 ml santan
• 200 ml aie
• 1 sdm garam
• 1 sdt gulo
• 1 sdt bubuak kaldu ayam

Bumbu bumbu

• 8 siung bawang merah
• 5 siung bawang putiah
• 12 bh lado merah
• 1 bh kunyik
• 2 bh kemiri
• 1 sdt katumba bubuak
• 10 gr bubuak palo

Caro mamasak ayam gulai

1. Langkah partamo, blender sadonyo bumbu bumbu diateh, kamudian ditumih dalam kuali, sudah tu masuak daun kunyik, sarai, langkueh,asam kandih, daun limau aduak aduak sampai babaun harum
2. Kamudian masuakan dagiang ayam lalu diaduak aduak sampai bumbu marato jo dagiang ayam
3. Langkah terakhir, masuakan santan, garam, air, bubuak kaldu, gulo koreksi raso, aduak aduak taruih sanak ijan padian pacah kuah santan
4. Masak taruih gulai ayam sampai santan mengental dan mandidiah dan mangaluakan minyak angkat dan dinginkan
5. Ayam gulai siap dihidangkan

Baitulah caro mamasak gulai ayam dunsanak, nan paralu bana diperhatikan katiko kito ma aduak santan, ijan sampai pacah kuah, kalau pacah kuah nyo jadi ndak sempurna masakan gulai ayam kito, silahkan bagi dunsanak nan nio mancubo mambuek gulai ayam ko

Resep Ayam Lado hijau

Nah, ko nyo sanak a, kalau alah pakai lado samba ayam ko, ndak adoh carito makan nan indak kabatambuah sabalun bapaluah kaniang tu alun kabaranti makan, ayam samba lado hijau ko tamasuak favorit mimin ma sanak, kalau alah makan jo samba ayam lado hijau ko, lewat mintuo dibelakang ndak kanampak gai doh, ok sanak, ayam lado hijau akan dimasuakan kadalam resep kuliner rantau

Proses : 25 menit
Lamo mamasak :50 menit
Porsi : 4 urang

Bahan bahan 

• 1 ekor ayam padagiang potoang 4
• 10 siung bawan merah ( irih tipih tipih )
• 2 bh limau kapeh ambiak aie nyo
• 200 ml minyak sayua

Bumbu bumbu 

• 20 buah lado hjiau
• 8 siung bawang merah
• 1 bh langkueh
• 1 bh kunyik sagadang ampu jari
• 5 siung bawang putiah
• 3 bh kemiri
• 1 bh palo
• 1 bh sarai geprek
• 2 alai daun kunyik
• 4 alai daun salam 
• 2 alai daun limau
• 1 sdm garam

Caro mamasak ayam lado hijau

1. Langkah partamo, cuci barasiah ayam, kamudian angiah garam, penyedap raso dan aie perasan limau kapeh aduak aduak sudah ntu dinginkan agak sabanta bia meresap kadalam dagang ayam, sudah tu dicuci barasiah ayam tu baliak
2. Langkah salanjuiknyo, haluihan bumbu bumbu diateh buliah digiliang tangan atau labiah rancak pakai blender, lado, bawang, langkueh, jahe blender sadonyo sampai haluih 
3. Kamudian, angekan kuali panehan minyak sayua, masuak irisan bawang aduak aduak sahinggo wangi, sudah tu masuakan bumbu bumbu yang alah bahaluihan atau bablender tadi aduak aduak sampai marato
4. Sudah tu masuakan sakalian daun daun tadi, daun kuunyik, salam, sarai, daun limau aduak aduak baliak sampi tacium baun wangi rempah rempah tadi dan minyak mandidiah
5. Langkah terakhir, masuakan dagiang ayam aduak aduak jo bumbu bumbu dan lado hijau yang alah bagoreang tadi masak sampai matang
6. Ayam sambal hijau siap disajilkan

Itulah sekilas caro mamasak ayam sambal hijau, silahkan bagi dunsanak ambo nan nio mancubo resep dan nio mambuek nyo, silahkan disimak dan dipahami langkah langkah nyo...

Resep Ayam Bakar

iko ciek lai sanak masakan rantau yang paliang banyak pengemar nyo yaitu " Ayam Bakar " , ayam bakar ko emang lamak sanak ditambah jo sambalado terasi plus sayua sayu matah, onde mande bapaluah makan nyo, disiko sanak adoh salah satu masakan ayam bakar ko yang terkenal, sahinggo namo boss yang punyo manjadi label usaho nyo yaitu Ayam Bakar Babeh, sahari amuah diinyo habieh 200 ekor ayam ka untuak galeh e ko, iko salah satu resep ayam bakar yang akan mimin share untuak dunsanak sadonyo

Proses : 25 menit
Lamo mamasak : 50 menit
Porsi : 4 urang

Bahan bahan 

• 1 ekor ayam broiler potoang 4
• 200 ml santan
• 50 gr minyak sayua
• 2 alai daun salam
• 1 bh sarai
• 2 sdm aie asam jao

Bumbu bumbu 

• 8 siung bawang merah
• 4 siung bawang putiah
• 1 sdt bubuak marica
• 1 bh kunyik sagadang ampu
• 3 bh kemiri
• 2 bh katumba
• 1 sdm garam 
• 1 sdt gulo pasia
• 50 gr kecap manih

Caro mamasak ayam bakar

1. Langkah partamo, barasiahan ayam, haluihan sakalian bumbu bumbu diateh
2. Kamudian angekan minyak, tumih bumbu bumbu nan bahaluihan tadi, sarato daun salam dan sarai bia batambah wangi baun e
3. Sudah tu masuakan aie asam jao dan ayam aduak aduak sampai manyatu lalu tambahkan santan aduak aduak sampai ayam manjadi ampuak, angkek dan diamkan agak sabanta
4. Langkah terakhir siapkan pembakaran, panggang ayam diateh pembakaran, kamudian sapu sapukan bumbu bumbu nan labiah bamasak tadi angiah kecap manih bolak baliak bia masak nyo marato, panggang sampai dagiang ayam masak.
5. Ayam bakar siap dihidangkan

Itulah salah satu resep ayam bakar ala rantau sanak, buliah dicubo bagi dunsanak nan nio mancubo,,

Resep Ayam Penyet

Kalau masalah masakan ayam dirantau sanak, yang paliang terkenal sekali yaitu ayam penyet, selain dari pado ayam bakar, ayam penyet ko lah yang paliang banyak sangaik peminatnyo, padahal kalau manuruik ambo ayam penyet ko biaso se bantuak e nyo sanak, bantuak ayam goreang biaso, namun dirantau ayam penyet ko lah nan menjadi idola khusus nyo anak anak mudo. jiko dunsanak nio mancubo mambuek ayam penyet ko silahkan ambiak resep dan caro mambuek ayam penyet ko diblog kesayangan kito Kuliner Rantau

Proses : 30 menit
Lamo mamasak : 55 menit
Porsi : 4 urang

Bahan bahan 

• 1 ekor ayam dagiang potoang 4
• 3 alai daun salam
• 250 ml air
• 200 ml minyak sayua

Bahan bahan sambalado penyet

• 7 siung bawang merah
• 4 siung bawang putiah
• 20 bh lado merah
• 10 bh lado kutu ( bagi nan suko padeh )
• 1 sdm garam

Bumbu bumbu 

• 6 siung bawang putiah
• 1 bh langkueh
• 1 bh jahe
• 1 sdt bubuak katumba
• 1 bh kunyik sagadang ampu
• 1 sdm garam

Caro mamasak ayam penyet

1. Langkah partamo, barasiahan ayam kamudian haluihan bumbu bumbu nan diateh, sudah tu masak dalam kuali angiah aie, masak dagiang ayam jo bumbu bumbu tadi sampai ampuak angkek dan sisiahkan
2. Langkah salanjuiknyo, angekan minyak sayua, setelah ayam diungkap lalu goreang sampai matang dalam minyak angek kamudian tiriskan
3. Seteah itu lanjut kito kapado sambalado penyet nyo,  ditumis dahulu bawang putiah jo bawang merah, tomat, lado sahinggo layua, kamudian giliang sadonyo atau diulek dalam ulekan tambahkan terasi, garam jo gulo koreksi raso
4. Langkah terakhir,  dagiang ayam yang alah masak tadi digeprek atau dipenyetkan lah baitu, lalu latakan diateh dipiriang, susun elok jo sambal penyet nyo, buliah ditambahkan tahu atau tempe goreng atau buliah juo patai tasarah dunsanak manuruik salero ijan lupo limau samba untuak palamak raso lado
5. Ayam penyet siap disajikan

Itulah limo resep masakan nan tabuek dari dagiang ayam yang paliang banyak dicari dirantau sanak,  masih banyak lai resep resep lain nyo yang berbahan baku ayam ko sanak, cuman limo ko nyo yang bisa mimin persembahkan ka untuak dunsanak, mudahan tulisan iko bisa menjadi manfaat bagi dunsanak dunsanak ambo nan nio mancubo membuek masakan yang berbahan baku dagiang ayam, jiko tulisan iko bermanfaat, mohon dunsanak ambo share kapado kawan kawan atau dunsanak dunsanak kito yang membutuhkan,, tarimo kasih,, dan salamaik mancubo......