Mie Ayam Jurus Andalan Katiko Maso Mudo Dahulu

Mie ayam, a ko nyo sanak a, makanan favorit mimin, mimin paliang suko jo mie ayam ko sanak, banyak kisah mimin jo mi ayam ko sanak, lah bhaga ughang nak gadih nak gadih kemat yang mimin tembak setelah mamam mi ayam, alhamdulillah lai hinggok sadonyo, secara mimin kan ganteng ( pede sangenek ndak baa do kan sanak ) mie ayam ko tamasuak ka salah satu jurus jitu mimin untuak mandapekan piak amba, karano sasuai juo dengan pepatah minang, " Kok barundiang sasudah makan ', jadi kalau sanak nio ba pole, barugi lah agak sangenek, ajak e mamam, sudah tuw utarokan niek jo mukasuik sanak samo piak ambo tuww. kalau niaik elok dijabah dek Allah swt niat dunsanak tu tu ma.

Mie ayam atau banyak juo sebagian ughang manyabuik bakmi ayam, iko barasa dari nagari cino ten sanak, cuman, kini mi ayam alah manjadi  makanan tradisional ughang awak ( indonesia ) karano bumbu bumbu nan dipakai jauah babeda jo ughang cino ten mamasak nyo, kalau manuruik ambo nan mambuek lamak mie ayam ko terletak kapado kuah e tu sanak, kuah e tu nan mambuek lamak

Okeh sanak ambo, dari pado balamo lamo, Kuliner Rantau mancubo pulo lah berbagi resep dan tips caro mambuek mi ayam ko, mudah mudahan bisa menjadi inspirasi untuak sanak dunsanak dirumah

Proses : 35 menit
Lamo mambuek : 60 menit
Porsi : 6 ughang

Bahan bahan

• 500 gr dagiang ayam cincang ketek ketek
• 6 bks mie telor
• 250 gr kecap manih
• 100 gr minyak makan
• 6 siuang bawang putiah geprek
• 1 sdm minyak wijen
• 2 sdm saos tiram
• 1 sdm bubuak merica
• 4 halai daun bawang
• 2 sdm kecap asin
• 2 sdm garam

Bahan tambahan

• 4 bh daun sawi iris ketek ketek
• 500 ml kaldu ayam
• 100 gr bawang goreng

Caro mambuek mi ayam

1. Langkah partamo, barasiahan dagiang ayam
2. Sudah tu, ambiak mie telor tadi bukak bungkuih e lalu diabuih jo aie mandidiah agak sabanta
3. Lalu tumih bawang jo daun bawang masak hinggo layu tambahkan dagiang ayam aduak aduak hinggo marato
4. Masuakan kecap asin jo bumbu bumbu nan lain angiah garam koreksi rao
5. Mie yang bamasak tadi kariangkan, masuakan kadalam mangkuak siraman bumbu bumbu yang lah bamasak tadi ka ateh mie, jadi sudah
6. Mie ayam siap dihidangkan

Murah bana ko sanak a caro mamasak e, silahkan dicubo dirumah, mudah mudahan artikel ko bisa memberikan manfaat, silahakan dunsanak share ka kawan kawan atau ka dunsanak dunsanak kito yang lain, mano tau adoh yang membutuhkan resep mi ayam ko. thagimo kasih !