Martabak Mesir Makanan Lamak Nan Patuik Dicubo

Martabak mesir, ko ciek lai sanak a makanan lamak nan selalu dibali dek ughang dighantau, namo e je nyeh martabak mesir, tapi nan mambuek e ughang indonesia, makanan ko bahan baku nyo talua, dagiang, rempah rempah indonesia dll, yo sabana lamak sanak, ditambah lo toping lain nyo beko jo acar tu adoh lo kuahnyo sabantuak kuah cuko pempek, tapi disiko kuah e ghaso kari, itu nan mambuek lamak.

Martabak mesir ko berasal dari mesir sanak alias dari negeri 1001 malam timur tangah ten jo india, mako e martabak mesir ko adoh juo ughang manyabuik martabak india, kalau untuak di indonesia urang nan partamo mengenalkan martabak mesir ughang awak padang juo sanak, sia lah namo liau tu yehh, lupo lupo ingek ambo kalau ndak salah namo liau Angku Yusri, dek karano ndak bisa dipatenkan merk dagang liau martabak mesir berhubung dengan salah satu namo negara, mako baganti namo martabak mesir ko jo martabak kubang, Angku yusri ko juolah ughang partamo yang memadukan randang dagiang sebagai toping dari martabak mesir ko di indonesia

Kalau kini ko sanak martabak mesir alah beredar diseluruh nusantara, dengan berbagai model jo bantuak e, ok sanak ambo, kali kini Kuliner Rantau akan mancubo share resep dan tips chago mambuek martabak mesir ko, silahkan di ikuti step by stepnyo.

Proses : 30 menit
Lamo mambuek : 60 menit
Porsi : 8 ughang

Bahan bahan 

• 8 butir talua ayam
• 5 batang daun bawang

Bahan untuk kulit martabak mesir 

• 500 gr tapuang trugu
• 1 bks minyak makan
• 3 sdm garam
• 200 ml aie

Bahan untuak isian

• 400 gr dagiang giliang
• 2 bh bawang bombay
• 6 siauang bawang putiah
• 100 gr kari
• 1 sdm marica bubuak
• 1 sd m garam

Caro mambuek martabak mesir

1. Partamo sakali, kito usahokan mambuek isian nyo sanak, angekan minyak, tapuang trigu, talua, garam dikocok dalam galaih atau tampek untuak ma aduak isi adonan, lalu tambahkan aie agak sangenek, bia nyo ndak kariang adonan tuw, kocok sampai mangental
2. Kamudian, sadioan tampek ciek lai, bagi duo adonan yang alah jadi tuw dalam porsi yang samo
3. Adonan tadi tu, ghandamkan kadalam kuali yang alah barisi minyak salamo labiah khugang 1 jam an, usahoan adonan thagandam sadonyo kadalam minyak sampai masak lalu kariangkan minyak martabak tuw 
4. Langkah salanjuiknyo,  angekan minyak ciek lai, masuakan bawang bombay jo bawang putiah ditumih sampai nyo babaun hagum, sudah tu masuakan kari , marica, garam jo daun bawang koreksi raso.
5. Sudah tu masuakan dagiang tadi, aduak aduak buliah nak manyatu jo bahan bahan tadi dimasak sampai matang, angkek dinginkan bia nak kariang aie  dagiang e, kamudian dipacah manjadi 2 bagian
6. Langkah terakhir, ambiak wadah/mangkuak dipacahan talua, angiah dauan bawang trus dikocok kocok tambahan garam
7. Kamudian tuangkan talua tadi kadalam pengorengan yang alah barisi kulik martabak lalu dilipek mode baju, shigaman minyak angek diateh e, sudah tu dibolak baliak buek sampai masak.
8. Martabax mesir siap disajikan

Baitu lah chago mambuek martabax mesir ko sanak, sangaik mudah. bumbu bumbu jo bahan bahan nyo pun indak juo sulik untuk kito dapekan, alah langkok sadonyo ughang manjua dipasa. Bagi kan yo sanak jiko artikel ko bermanfaat. tq